martes, junio 28, 2005
Grandes conciertos esti fin de selmana
Esti fin de selmana pasáu tuvimos la oportunidá de participar en dos festivales cabezaleros: el Folksticio de Verano en San Fernando de Henares y el León Folk. Foi una suerte compartir l’escenariu con grandes de la música Folk como Roldana Folk Y Hedningarna en San Fernando y Carlos Núñez y Flook! en Lleón. En dambos llugares el públicu volcóse dafechu con nós, unes 3000 persones en San Fernando y unes 6000 en Lleón a les que-yos queremos dar les gracies pola so entrega y el so ánimu. Agradecer tamién de mou especial a la xente de Hendningarna y Flook! por ser tan cercanos y prestosos (d’otros nun se pue dicir lo mesmo). Les fotos d’estos conciertos van tar colgaes na galería 2 de la seición “semeyes” dende mañana.
martes, junio 21, 2005
San Xuan en Corvera
Ye prestoso que vuelva a recuperase la nueche de San Xuan de Corvera na que Llangres torna a actuar dempués de facer va munchos años ellí ún de los sos primeros conciertos. Esti añu arriendes de Llangres actuarán Lliberdón, La Tarrancha y Batulax. L’alcuentru sedrá esti xueves 23 dende les 23:00 hores nel embalse de Trasona (salida de Parqueastur).
viernes, junio 10, 2005
Conciertu na FNAC
Mañana sábadu día 11 a les 20:30 Llangres dará un conciertu d'alrodiu media hora nel salón d'actos de la FNAC de Parque Principáu. Con esta actuación Llangres pieslla el ciclu de conciertos de presentación d'Esnalar.
jueves, junio 02, 2005
Conciertu nel Teatru Maripeña
Mañana 3 de xunu, Llangres actuará a les 20:30 nel Teatru Maripeña de La Felguera. El grupu tocará al rodiu d’una hora los temes del so discu nuevu. A lo cabero’l conciertu podrá mercase’l CD.
miércoles, junio 01, 2005
"Carolina" n'Asturies.com
El portal www.asturies.com ufierta la descarga en formatu mp3 del tema “Carolina” incluyíu nel nuesu caberu trabayu “Esnalar”. Pa baxar el canciu podéis asomar direutamente na direición www.asturies.com/musica/carolina.mp3
